 |
||||
|
Friday, June 22, 2007سوالف سنعه ولكن الجزء الثاني الصيف قرب .. والسفر حان طاريه .. الله يعين اللي مفارقه حبيـــــــبه :s اهالى راح يسفرون وانا راح اكون بالكويت ابروحي .. بحكم الدوام الصيفي .. اول مره تصير ... الله يعين ************************* احب اللون الاحمر وايد ... بس ما احبه البسه او اشوفه لون سياره:P *************************** الجو حاااااااار لدرجه اني ما ابي اطلع او ايي الصبح .. ما ادري شنو الحل ************************** 21/5 كملت 22 سنه .. شعور خايس ... بس البركه في رفيجاتي واهلى .. خلوا من هل يوم حدث مهم و يونس مشكوره ************************** ليش شعور خايس اني اصير 22 .. لان شكلي صغير واحس مو لايق .. ودي ما اكبر اكثر ************************** ليش من افتحوا الافنيوز طاح حط ماريتا وشرق ************************** ساعات من كثر ما اكون ابي الشي ... ما احس في وناسته اذا صار ؟؟ ************************** راح اصير خاله بعد شهر ... شعور عجييييييب ************************* وخلصت سوالفي .. لووووول لا تري ما تخلص سوالفي بس اقصد خلص البوست posted by san3a_wa_laken at 3:39 AM
27 comments
Wednesday, June 13, 2007انا احلى وحده انا احلى وحده بالمجمع ... لا اقصد بالكويت ... لا اقصد بالكون لووووول اتوقع هذي الجمل اللي تدور في راس بنات الكويت والله احس كله وحده تقول انا احلى وحده المشكله هل جمله ودرتنا خل الثقه زياده ومظاهر الابداع زياده سواء بالميكاج او اللبس اما مساله الغرور فحدث ولا حرج كله وحده رافعه الخشم زين ما تدعم طوفه اللي اجبالها البنات صاروا يخزون بعض وشنو لابسين اكثر من ما الصيبان يخزونهم ما ادري الي متي بيستمر هل حال لمن متي هل غرور
posted by san3a_wa_laken at 1:04 PM
18 comments
Friday, June 08, 2007شي مو طبيعيخل اقول اخر سوالفي انا يوم الاربعاء كنت رايحه صالون عادي انا واختي المهم هل صالون في عماره بالجابريه المهم خلصنا شغلنا على الاربع ... جان انصدم بسياره واقفه وري سيارتي يعني ما اقدر اطلع سيارتي لو شنو يصير واللحين الله يسلمكم تبدي السالفه اول ما طلعت وشفت السياره اللي وري جنه احد طاقني طراق الحين شنو اسوي ومنو اروح اساله فا اول فكره طرت على بالي اني اقعد بسيارتي .. اطق هرن طوطوطوطو اللمهم سكان الجابريه كلهم اسمعوا هرني مابقى احد اللي ازعجته بس هم ما نفعت الفكره ما طلع صاحب السياره بعدها.. صار تجمع من الهنود واقفين يمي يبون يساعدوني لووووول كل واحد يفكر في حل المهم واحد منهم كان هااب ريح جان يقول ماما انا راح اروح ادور حارس العماره المهم ... جان تمر مره كوتيه جان تقول لا تحاولين ماكو فائده من اللي قاعده تسوينا انا انصدمت جان اقول لها ليش جان ترد ما راح يرد عليج واحنا من سكان هل عماره وانت واقفه في مكان واحد من سكان العماره وصدقني ما راح يطلع لج الا لمن يخليج فتره علشان تتعلمين .. هذي مواقف سكان العماره انا : من صجج .. انزين والله ما ادري انا اسفه المره : والله ودي اساعدج بس ما اعرف صاحب السياره انا : خلاص مشكوره اختي ولام الله من لامك هذا موقفكم وحقج علي ويييييييي اللحين شنو اسوي المهم جان يشرف حارس العماره الاخ هندي وما يدري شل سالفه انا : ياله شوف منو هذي سيارته الحارس: انا ما يعرف ماما انا : شنو انت ما تعرف ياله تري صاري ساعه واقفه الحارس: انت غلطانه ماما .. ليش انت واقفه اهني انا : والله فهمت بس عفيه خلصنا ابي اطلع طبعا اختي قاعده بسياره وفاتحه المكيف وتتكلم بالتفلون بكل برود وانا ابروحي اعابل في عمري اللحين شنو اسوي خست من الحر المهم جان اشوف محل يم العماره جان اقول ياله خل اساله يمكن شاف هل ريال دخلت المحل انا : لوسمحت شفت صاحب السياره .. تعرف وين اقدر احصله البياع : ايي اهو اخو المره اللي كانت تكلمج انا : من صجك ؟؟ اهي اتقول ما تعرفه البياع : والله انا متاكد اعرفها واعرف اخوها اللحين عاد اللي صج عصبت وفورت شلون تجذب علي وتقول ما تعرفه والحارس يكمل السالفه ويقول ما يعرفه جان انادي الحارس واحط الحره فيه انا : شوف عاد ما ابي كلام واييدد عندك خمس دقائق تتطلع لي صاحب السياره الحارس : ماما انا ما يعرف انا : لا تقول ما اعرف .. تعرفه وجنه العيد ياله روح دق الجرس عليهم الحارس : ماما هذا وايد عصبي الولد يسوي لي مشكله انا : وانا عصبيه اكثر منه والله انا اللي بسوي لك مشكله الحارس: خلاص خلاص ماما الحين ادق جرس عليهم انا حاطه في بالي اول ما اشوف هل شخص راح اقول ( تري حركتك منتهي في قله الادب ) صاري ساعه بره .. لمن نزل طلع ولد طول و عرض الباب قلت اخاف ان كلمته يكفخني : s ياله قولوا لي ؟؟شنو تفسير هل حركه اللي صارت .. الاخت تجذب وانا ساعه بالشمس علي شي انا بغلط سويته الناس ليش هل الاخلاق ؟؟ وين الطبيه والتسامح ؟؟ ليش وصلنا للهل مرحله من التعامل
posted by san3a_wa_laken at 7:46 AM
18 comments
|
|||
 |
||||
