 |
||||
|
Monday, June 16, 2008حدث زواجيهلاوالله خل ادش في الموضوع مباشره لمن كنا يهال تنخيل وايد اشياء وساعات انقول عادي خل نحلم لان الحلم بلاش وطبعا مثل اي بيت في سن المراهقه كنت احلم وقول منو ياربي راح يكون نصيبي منو وشلون راح اتزوج ؟ راح اتزوج او لا ؟ انزين وذا ابي اتزوج ماابي يكون الزواج التقليدي عن طريقه خطبه اهل بما اني من عائله محافظه فهذا الشي مستحيل يصير اني اتزوج عن معرفه او حب وانا عن نفسى ما اومن في هذا الشى المهم راح الايام ويت الايام فجاه صارت الخطبه  قصتي غريبه و حلوه قولكم شلون كنت موظفه في فتره الصيف اللى طاف وانا قاعده في البيت دقت على وحده من الموظفات جان تقول لي ان في شخص يبي يخطبج ؟؟ الاخت سنعه ولكن اضحكت بكل برود قلت في قلبي حاله حال اللى قبله جان استوعب اني لازم اسال منو وشلون وياله قولي القصه جان ترد :وتقول مسوؤلنا في الدوام يبي يخطبني حق اخوه لانه معجب في اخالقي وتصرافتي * * * ما احد في هل فتره حس في شعوري لان قمه السعاده و الفخر لمن احد يعجب في اخالقتج وتربيتج شعرت في سعاده ما تنوصف وابوي واموي نفس الشعور يمكن كانوا سعيدين اكثر مني لانهم شافوا نتيجه تربيتهم لى صارت السالفه وطلع حبيبي ريلي مسوي عنى تحقيق اللازم والشامل ويعرف كل كبيره وصغيره عني وانا يا غافيلن لكم لله الحمدالله مرت الامور في شكل سهل ومن اروع ماكون وصرت الخطبه وتزوجت وكأن القدر يقول لي صبري اشويه راح ييب ليج اللى يستهالج ويحبج ويحطج في اعيونه صرت احبه اكثر من عمري وخاف اتكلم عن مشاعرنا وحسد عمري عليه * * بس اللى ابي اوصله ان الحلم مو حرام والحب مو حرام لمن يكون حلال ومو احنا اللى انمشى وراه القدر ابروحه اهو اللى يينا posted by san3a_wa_laken at 3:01 PM
17 comments
Saturday, June 14, 20089ij walhanaa 3alikom واخيرا رجعت ولهانه على كتابه ولهانه على التعليقات والدعم من كل البلوقز يمكن وايد منكم ما قام يدش يشوف بلوقي عادي ما الومكم لاني غبيت خل اقولكم ليش هل غيبه لمحه سريعه عن اخر اخباري اللى راح اتكلم عن كل واحد فيهم بالتفاصيل في البوستات اليايه اول حدث تزوجت ثاني حدث سافرت ثالث حدث صرت 23 اخر شى تخرجت بس هذي اخر اخباري كل حدث فيهم مهم بل نسبه لى وكل حدث فيهم روعه وقمه الجمال راح اوصف كل حدث بروحه posted by san3a_wa_laken at 3:14 PM
14 comments
|
|||
 |
||||
