 |
||||
|
Tuesday, October 31, 2006مايسوىصج ما يسوي علينا عطله العيد ... هل عطله اطلعت من خاطرنا .. بعدها امتحانات وتقارير
والله ما يسوي المهم إن أنا على فصلات مو طبيعة في الدراسة يعنى عادي أكون مندمجه  بالدرسه وفجاه بدون مقدمات اقعد اغننى بصوت عاليأو فجاه بنص الدراسة اشبك يعنى شنو ياب الطاري والله ما ادري.. مع العلم انى اكون صج مندمجة باللى قعد ادرسه و اللي الضحك صج انى في نص الدراسة أروح اصبغ أظافري وانتو شنو الغريب في دارستكم؟؟ posted by san3a_wa_laken at 9:52 AM
18 comments
Friday, October 27, 2006نحبهم ولكنالبعض نحبهم لكن لا نقترب منهم.. فهم في البعد أحلى و هم في البعد أرقى.. وهم في البعد أغلى * * والبعض نحبهم ونسعى كي نقترب منهم ونتقاسم تفاصيل الحياة معهم ويؤلمنا الابتعاد عنهم ويصعب علينا تصور الحياة حين تخلو منهم * * والبعض نحبهم نعيش حكاية جميلة معهم ونتمنى أن نلتقي بهم ونفتعل الصدف ونختلق الأسباب كي نراهم ونعيش في الخيال أكثر من الواقع معهم * * والبعض نحبهم لكن بيننا وبين أنفسنا فقط فنصمت برغم ألم الصمت فلا نجاهر بحبهم حتى لهم لأن العوائق كثيرة والعواقب مخيفة ومن الأفضل لنا ولهم أن تبقى الأبواب بيننا وبينهم مغلقة * * والبعض نحبهم فنملأ الأرض بحبهم ونحدث الدنيا عنهم ونثرثر بهم في كل الأوقات ونحتاج إلى وجودهم.. كالماء.. والهواء.. ونختنق في غيابهم أو الابتعاد عنهم * * والبعض نحبهم لأننا لا نجد سواهم وحاجتنا إلى الحب تدفعنا نحوهم.. فالأيام تمضي .. والعمر ينقضي.. والزمن لا يقف.. ويرعبنا بأن نبقى بلا رفيق * * والبعض نحبهم لأن مثلهم لا يستحق سوى الحب ولا نملك أمامهم سوى أن نحب فنتعلم منهم أشياء جميلة ونرمم معهم أشياء كثيرة ونعيد طلاء الحياة من جديد ونسعى صادقين كي نمنحهم بعض السعادة * * والبعض نحبهم لكننا لا نجد صدى لهذا الحب في قلوبهم فننهار وننكسر ونتخبط في حكايات فاشلة .. فلا نكرههم.. ولا ننساهم.. و لا نحب سواهم نبكيهم بعد كل محاولة فاشلة ونعود * * ما اقسى الحب .. واقسى من نحب***** posted by san3a_wa_laken at 7:09 AM
27 comments
Friday, October 20, 2006انت حساسهجم مره تسمعون هل كلمه انت حساسه هل مره ابى اعرض لكم مشكله وابى حل منكم * * * انا وحده منجزه واجتماعيه الى الاخر الحدود يعنى بدون غرور تعجبنى شخصيتى * * * بس مشكلتى انى اعتمد بكل تصرفاتى على مشاعري .. قبل كل تصرف افكر بمشاعري .. يعنى مو بعقلى كلا اقول حرام هذي مسكينه .. حرام اخاف تنحرج البنت .. حرام جنه فشله .. حرام اخاف تزعل الى ماله نهايه من عبارات اللى بس طالعه من قلب مع هذا وذاك احس ان المشاعر رحمه في زمن يمكن نادر محد يتكلم بالمشاعر  بمشاعري اقدر افهم الناس بمشاعري اقدر اساعد في حل مشاكل الناس بس دايما اللى اسويه اتوقع الغير يسوي لى .. وهنى المشكله لان مو الكل يقدر ان لازم اللى اسوي لهم ينرد احب اشكر وحده قاعده تعلمنى دورس وايد.. طبعا من غير ما تحس *** تعلمنى شلون افكر قبل ما اتصرف.. شلون اقلل من حساسيتى .. وانتوا شنو تهقون الحل؟؟؟ posted by san3a_wa_laken at 2:36 PM
22 comments
Sunday, October 15, 2006حفر والشورت خل اقول لكم عن سالفتى مع الحفر والشورت اذكر لمن كنت بالمتوسط ما ادري قبل جم سنه ( لوول علشان ما اكبر عمري ) كنت احن على امى ليل ونهار ان تشتري لى شورت وحفر بخاطري البس هل بدله .. امى مقفله على الموضوع على العلم انى كنت ياهل . امى تقول ما ابي اعودج على هل اللبس االى ما يناسب مجتمعنا المهم وانا طبعا ما اقتنع في اي شى وحدي كنت احن .. المهم الحنه يابت نتيجه .. وامى رضيت اشتري حفر وشورت في حزتها كنت حدي مكيفه وعندي هل الهدوم تسوي الدينا وما فيها لبست ورحت الزواره ... لوووووووول ما يسوي على .. كلمن يتنقد ويعلق على لبسى .. لمن لعت جبدي المهم تدرون ان هذا من مو اهو الموضوع موضوعى .. بنات اليوم شنو يقولون حق امهاتم اذا بطلعون في هل لبس .. البنت لمن تكون لابسه شورت حق الجامعه او حق السوق .. شلون يطلعون جذي قولولى .. ودي افهم شو يقولون ؟؟
posted by san3a_wa_laken at 6:31 AM
18 comments
Friday, October 06, 2006tag by moklet chokaaaاذا مستانسه اسولف مع الناس .. اهلى امي اختى وادق على (little big ) اذا نفستى تعابنه المزاج يصير لوعه ... اسكر موبالى اذا قامته شي بقلبي وساكته اصير وحده ثانيه .. الكل يحس فينى شى مو طبيعى ...بعدين يسالون .. اوبدي اتكلم واتكلم اذا صمت انصدمت في شغله ..اول 10 ثوانى .. بعدين انفجر اذا اندقرت لوووول بس انا ما اندقر لانى اعرف شلون ارد في كل الاحوال اذا حسيت بظغط ذاكرتى تصير ضعيفه .. ابدي انسى كل الاشياء .. لوول صارتى مواقف وايد اذا بأحس بالحريه اجابل البحر اذا احد بط جبدي احش فيه ( لوووول اشكره ), أتحلطم اذا عصبت انسحب من المكان اذا بنحاش من امر والله ما جربت .. عندي اواجه الشى وايد احسن اذا مفلسه اقل نغزه والكل يفهمنى .. ويعطونى اذا امي دقت تليفون تطلع لي رنتها .. واقول ماشاءالله عمرها طويل او ساعات اقول يحليها اذا ابوي اتصل تليفون تطلع رنة بس خل اقول لكم شى اهلى عجبين ما يدقون على وايد من باب الحريه اذا كنت طالعه بس قبل لا اطلع اقولهم انا وينى ومتى ارجع وبس فانادر ما احد يدق يسالنى واينج اذا بجذب لوووووول اضحك لان يبن على اذا توهقت اسال خواتى وايد احب رايهم في كل كبيره وصغيره اذا استحيت اذا استحيت اقعد اضحك واضحك و اضيع السالفه حدى اذا انظلمت أكره شى عندي في الدنيا اذا كنت مظلومه اكره حياتى واكره اللى ظلمنى بس دايما اتكلم واعبر اذا كنت مظلومه ولازم الطرف الثانى يسمعنى مو شرط يقتنع بس لازم يسمع اذا احد تقدملي يصير حدث فى العايله والكل يدري وتنقعد نسولف ونسولف ليلة العيد تصير ملاقه العيد .. خل اقول شى احنا عندنا عاده لازم نام عند بعض يعنى احنا بالصج كل وحده عنها دار بس احلى شعور في الدينا لمن احنا الثلاثه ننام فى دار وحده ونقعد نتذكر شلون مر علينا رمضان وبعدين نسولف شنو راح نسوي وين راح انروح بالعيد اذا حسيت ان احد متضايق مني ما اعرف انام .. لازم ارضى الشخص حتى لو سويت اللى سويته اذا تضايقت من مكان ما أحب اروح له اذا ضايقتني امي اتكلم.. معروف بين اهلى اكثر وحده تتكلم وبالحريه ازياده عن اللزوم والله ساعات اخووره .. بس امى دايما تقول لى صح في وقتها تتعصب بس اخر شى تفهمنى اذا ضايقني ابوي نفس الحاله .. ما عندي مشكله اتكلم واتكلم اذاصادفتني بليغة شف اعرف شلون احط الحدود من اول شى بعدين انا ما عندي سر .. كلشى اقوله اللحين ابى اقول سالفه الكل يبى يسمعهاا سالفه سنعه ولكن ... ليش هل نك ... انا ما كنت اعرف شى عن عالم المدونات ولا شى .. مره كنت قاعده مع ) little big & ra1 المهم كانوا قاعدين يتكلمون عن بلوق و انا ماادري شل سالفه جان اقرر اسوي بلوق علشان تصير بينا مواضيع مشتركه عيزت عيزت ابي اسوي بس ما عرفت ثاني يوم رحت حق little big وقلت لها تسوي واحد كنت في ذاك الحزه حدي فاصله وكنت ميته من الضحك جان اقول لها سوي اسمى سنعه ولكن اقصد فيه وبكل اختصار انى انسانه محترمه و خلوقه يعنى سنعه حدي بس من جانب اخر فصله ومونسه عمري على الاخر لوووووول خل اقول لكم شنو صار ؟؟ هل الاسم صدقونى جذب وايد ناس بس تدخل علشان اسمى وبجذي اكون ضريت عصفورين في حجر مثل ما يقولون posted by san3a_wa_laken at 5:00 AM
11 comments
Sunday, October 01, 20063x3ثلاثه × ثلاثه ثلاثة ما ينامون الليل المديون والعزابي والمغازلجي ثلاثة يسببون الإحباط الواسطة و الديون والمنتخب الوطني ثلاثة الله يكون في عونهم أبو البنات والمطلقات وموظفي البنوك ثلاثة صعب نتخلى عنهم الخدامة وصينية العيـــش والرقم المميز ثلاثة محتاجات واسطة الجوازات والمرور والعمل والعمال ثلاثة يرفعون الضغط الملح والكوليسترول وهالة سرحـــــان ثلاثة أشياء تسبب الغرور الفيلا والمرسيدس والعقال أبو طربوش ثلاثة نقول الله يهديهم بنات المجمعات وعيال الشوارع وعبدة الشيطان ثلاثة أتمنى ما أشوفهم مواطن محتاج وآسيوي مديــر وشاب مواطن ما عنده وظيفة ثلاثة ياكلون في لحوم الناس الحيوانات المفترسة والبنوك وبعض الهوامير الكبار ثلاثة يسببون أمراض القلب السيجارة والمخدرات والعيال ثلاثة ما يخافون الله قاطع أرزاق الناس وآكل الحرام وعاق والديه ثلاثة فواتيرهم تكسر الظهر شركة الاتصالات والكهرباء المياة والمدارس الخاصة ثلاثة نادراً ما يشتغلون بضمير المقاول والخدامة والمواطن المستهتر ثلاثة لازم نتخلى عنهم التبذيـــر والفشخرة والاعتماد على الخدم ثلاثة مشاكل عظيمة تهددنا العنوســـة والتركيبة السكانية و الواسطة خل اقول شى .. هل كلام اللى قبل وصلنى ايميل .. شى منه ضحكنى وشى منه ما عجبنى شنو رايكم كل الكلام صحيح ؟؟؟ posted by san3a_wa_laken at 12:57 AM
14 comments
|
|||
 |
||||
