 |
||||
|
Friday, June 08, 2007شي مو طبيعيخل اقول اخر سوالفي انا يوم الاربعاء كنت رايحه صالون عادي انا واختي المهم هل صالون في عماره بالجابريه المهم خلصنا شغلنا على الاربع ... جان انصدم بسياره واقفه وري سيارتي يعني ما اقدر اطلع سيارتي لو شنو يصير واللحين الله يسلمكم تبدي السالفه اول ما طلعت وشفت السياره اللي وري جنه احد طاقني طراق الحين شنو اسوي ومنو اروح اساله فا اول فكره طرت على بالي اني اقعد بسيارتي .. اطق هرن طوطوطوطو اللمهم سكان الجابريه كلهم اسمعوا هرني مابقى احد اللي ازعجته بس هم ما نفعت الفكره ما طلع صاحب السياره بعدها.. صار تجمع من الهنود واقفين يمي يبون يساعدوني لووووول كل واحد يفكر في حل المهم واحد منهم كان هااب ريح جان يقول ماما انا راح اروح ادور حارس العماره المهم ... جان تمر مره كوتيه جان تقول لا تحاولين ماكو فائده من اللي قاعده تسوينا انا انصدمت جان اقول لها ليش جان ترد ما راح يرد عليج واحنا من سكان هل عماره وانت واقفه في مكان واحد من سكان العماره وصدقني ما راح يطلع لج الا لمن يخليج فتره علشان تتعلمين .. هذي مواقف سكان العماره انا : من صجج .. انزين والله ما ادري انا اسفه المره : والله ودي اساعدج بس ما اعرف صاحب السياره انا : خلاص مشكوره اختي ولام الله من لامك هذا موقفكم وحقج علي ويييييييي اللحين شنو اسوي المهم جان يشرف حارس العماره الاخ هندي وما يدري شل سالفه انا : ياله شوف منو هذي سيارته الحارس: انا ما يعرف ماما انا : شنو انت ما تعرف ياله تري صاري ساعه واقفه الحارس: انت غلطانه ماما .. ليش انت واقفه اهني انا : والله فهمت بس عفيه خلصنا ابي اطلع طبعا اختي قاعده بسياره وفاتحه المكيف وتتكلم بالتفلون بكل برود وانا ابروحي اعابل في عمري اللحين شنو اسوي خست من الحر المهم جان اشوف محل يم العماره جان اقول ياله خل اساله يمكن شاف هل ريال دخلت المحل انا : لوسمحت شفت صاحب السياره .. تعرف وين اقدر احصله البياع : ايي اهو اخو المره اللي كانت تكلمج انا : من صجك ؟؟ اهي اتقول ما تعرفه البياع : والله انا متاكد اعرفها واعرف اخوها اللحين عاد اللي صج عصبت وفورت شلون تجذب علي وتقول ما تعرفه والحارس يكمل السالفه ويقول ما يعرفه جان انادي الحارس واحط الحره فيه انا : شوف عاد ما ابي كلام واييدد عندك خمس دقائق تتطلع لي صاحب السياره الحارس : ماما انا ما يعرف انا : لا تقول ما اعرف .. تعرفه وجنه العيد ياله روح دق الجرس عليهم الحارس : ماما هذا وايد عصبي الولد يسوي لي مشكله انا : وانا عصبيه اكثر منه والله انا اللي بسوي لك مشكله الحارس: خلاص خلاص ماما الحين ادق جرس عليهم انا حاطه في بالي اول ما اشوف هل شخص راح اقول ( تري حركتك منتهي في قله الادب ) صاري ساعه بره .. لمن نزل طلع ولد طول و عرض الباب قلت اخاف ان كلمته يكفخني : s ياله قولوا لي ؟؟شنو تفسير هل حركه اللي صارت .. الاخت تجذب وانا ساعه بالشمس علي شي انا بغلط سويته الناس ليش هل الاخلاق ؟؟ وين الطبيه والتسامح ؟؟ ليش وصلنا للهل مرحله من التعامل
posted by san3a_wa_laken at 7:46 AM
|
|||
 |
||||
17 Comments:
مقيولة من قبل
الكويت فيها وايد خـمّـة
الله يعينج .. ومرة ثانية ديري بالج تأكدي من المصفط اللي تصفطين فيه
وياحبكم يا البنات للصالونات
3:04 PM
walla ana mo ba6 chabdy ela hal marrah techatheb mo wagt techethb eb hal 7ar :S bs el 7ars shakla metef8 weyaah ena ma yegolch meno! 9ej el kuwait fehaaa wayed 5amah, 3ala el a8al yakteboonlech ewregaaa ena la tasf6een again wayed athraaab... marra thanyaa take care :p alla ye3en
10:18 PM
سلميلي على الأخلاق و الأدب !!
مرة ثانية لا تعيدينها .. صفطي سيارتج بعييييييييد
و مثل ما يقول المثل ..
روح بعيد و تعال سالم
:P
11:53 PM
expatriate :
لووول من ناحيه خمه .. فعلا كانوا خمه .. انشاءالله المره الثانيه راح اتاكد قبل لا اوقف
لوووول بعد بنات ؟؟ نحب الصالونات ؟
:):)
6:28 AM
little big :
من الحر ما تشوفني عصب وحطيت الحره بالهندي
في وايد ناس تنقصهم الذرابه
الله يعين
6:29 AM
kuw_son
المره اليايه راح احط هل مثل في بالي قبل لا اصفط
6:30 AM
ناس اشكال وانواع
بس الظاهر هي كانت بتفهمج غلطتج
هههه
والله كسرتي خاطري بالحر واقفه
صراحه ما سوت عليج صالون
12:47 PM
ههههههههه
والله جنج تتكلمين بلساني
صار معاي نفس هالمقلب
كنت رايحة لإجتماع بمكتب بالسالمية
وصفطت بمواقف العمارة
ويوم خلص الاجتماع وطلعت مع اختى إلا واحد صافط ورانا
رحنا سألنا حارس العمارة
اللى مادري شنو وظيفته غير التشليخ والكلك
وتيمعوا الهنادوة وكلهم مايعرفون صاحب السيارة
تخيلي
الوقت يمر خصوصا بهالمواقف
يمر بسرعة
رحنا انا واختي
طقطقنا بيبان كل سكان العمارة
عشان نعرف منو صاحب السيارة
وبالأخير طلع لبناني
ومعصب علينا بعد
مو احنا اشعرفنا :/
بس على قولتهم
تعيشين وتاخذين غيرها
مرة ثانية صفطي ابراحة او اي مكان إلا مواقف العمارة
:>
nice post
2:36 PM
والله ما يستحون هذول
ولالا عصابه بعد
وتمثيييل
عييب جذى كافى انج اعترفتى بغلطج
واهى اختاا
اى قولى حق اخوج البنت ما تدرى
شدعوه اشصار بالدنيا
والله ما يستحون
حبيبتى والله خنت حيلى
كسرتى خاطرى
صارو عصابه عليج
1:54 AM
aldenya :
la yobash ba3d hal salfaa ma ra7 a3idha abd :P
charisma
اي والله صاروا عصابه ؟؟
ما اقول غير الله يعينهم على نفسهم
10:12 AM
بنت الكويت
اي والله ما سويت على صالون
:s
حياج ببلوقي
10:13 AM
الاستاذ بلاليط
وللاسف وايد صارت هل نوعيه من الناس الله يعين ويرجع الناس حق اخلاقهم والادب
10:14 AM
هههههههههههههههههه يالله معلش
بس انا اقولج لو انا مكانج يمكن اسوي شى ما يتخيله الشخص هذا
1- الهنود كلهم اعطيهم على 5 دنانير واقولهم دزوا السيارة لى ما ينكسر القير
2- اتصل على ونش واقوله اسحبها خلها باخر الشارع
3- واهو الحل المتوقع ادعم السيارة وادزها
4- اتصل على الشرطة او احد من اهلى اللى بالشرطة واخليه يمصخر عيشته لان غالبا مو كويتى :)))
مرة ثانية روحى صالون جمعيتكم ولا تروحين الجابرية :))
3:06 PM
:P nyahahai
kilish mo '7osh mawgif
3ayal mara 6al3een men cafe o yeena ib nirkab el sayara wila sayarteen 9akeen 3alina men jdam oo wara welmasafa walla etha shibir been sayaratna oo wesayarteen elthaneen zain !!
tamena shwaya wila wa7id mo9ak oo refeja yaw 9obna oo shalaw el sayara 7arkoha oo 6ala3na @@ ana 7inchi bel ga3 lel7een mo gadra astaw3ib shlon danaw el sayara @@ !!
wala lo a7ad gayili ayaha agool t9rw'7 !! bs walla shoof 3eeni
thanx 3ala el post :D... ohwa we'7ta mal '7ayazreen menaga3a eb mai o mel7
shinoo klina fishgi !!
7:03 PM
الصراحة موقف يقهر
المرة الله يهديها ليش ما قالتلج إنه اخوها
ليش النحاسة .. أمبيييه مو معقول
إنتي بنت المفروض تحسب حساب هالشي انج واقفة بريحاتج بالشارع
عموما المرة الياية صفطي بعيد ولا تتعرضين حق هالأمور
بس ما قلتيلي عسى كنتي لابسة نظارة شقردية .. حر وشموس
كاااااااك
حياتي لا تعيدينها مرة ثانية حتى لو دقيقة بتتأخرين ولا تتعرضين للهالمواقف
1:19 AM
mishari
مشاري افكارك اعجبتني .. وصدقني راح اسوي وحده منهم اذا انحطيت في هل موقف مره ثانيه .. لووووول عادي اسويها
بس المشكله لمن تحط بموقف ماكنت حاسب احسابه .. ساعات او اغلب الاحيان المخ يوقف عن التفكير
:s
the voice within
((9obna oo shalaw el sayara 7arkoha))
3ajbeen 7adhom :P walla a9adg ;)
sa3at el9byaan yakon minhom fayaadah :P
1:43 AM
almas
لــــــيش النحاسه
يبتها .. هذي الكلمه اللي توصف الموقف
2:03 AM
Post a Comment
Home >>