 |
||||
|
Sunday, July 15, 2007تحلطماشريكم هل مره نتحلطم في شكل جماعي اقصد بالتحلطم ( الاستنكار ) علشان قلوبنا ما تموت * * * * * * السالفه اللي ابي اطرحها اليوم البرنامج اللي رافع ضغطي .. و مستغربه من سخافته ليش وصل فينا الحال الى هل درجه * * * احد عفيه يقولي شنو بقي ما سوه تلفزيون الواقع * * * اكثر من انهم يابوا بنات وشباب وختلط الحابل بالنابل وياله حبوا بعض * * * قاعده اتكلم عن هل برنامج  يا جماعه ليش وصلنا جذي هذا تطور هذا تخلف والله محتاره شنو اسميه posted by san3a_wa_laken at 11:30 AM
|
|||
 |
||||
28 Comments:
أول مرة أسمع فيه !!
ما أشوف التلفزيون ..
راح تقولين قوية ..
1:07 PM
ليش ما يسوون مثل هالبرنامج واكثر
مادام لاقين ناس تشارك وناس غبيه تصوت وتدفع
محد الربحان غير القناة
وانتي بس لو تشوفين حلقة وحده منهم تبققين عينج
مسخرة وانحطاط وبوسني وابوسك
ومثل ما قتلج محد المستفيد غير ال ال بي سي
2:14 PM
ما ادرى عن التلفزيون ولا ادانيه
اشوف مع الجماعه الى يحطونه اطالع اذا قاعده مع اهلى
بالله شقصته قسمه ونصيب؟؟
زواج ؟؟
2:40 PM
والله صاجه
انتي سنعه بدون ولكن
بتعريفي انا الشخصي على الاقل
ناقص يسوون لنا برنامج
كيف تحمّل زوجتك
بعد استغفرالله
:)
سوري جني اشتطيت شوي
بس من هالسخافه اللي نشوفها
المسامحه
:)
3:42 PM
مرحبا
ابي رقم حلو من ام تي سي
نرجع لمحور حديثنا
برامج تلفزيون الواقع ليس لنا فقط للمراهقين اللي عندهم تيلفون
برامج فاشله و فقط للمال و ليش للفائدة
و اللي مامنه فايده تركه فايده
9:53 PM
alla ye3en :p eLwa'93 ma2sat bs metheL ma galt bent el kuwait >> Lagen nas tesharek wa nas '3abeyaa te9awet :S
11:27 PM
انا ولا مره شفته .. بس فس ناس تحب جذي .. وناس فاضيه .ز والقناة الفضائيه اللي تعرضه هي المستفيده
2:25 AM
اختي سنعة
الحمدلله إني ما شفت البرنامج اللي تتكلمينه عنه .. لكنني ماانكر إني سمعت عنه من وحده أعرفها..
المهم
الربح الإعلامي ما يعترف بالقيم و الأخلاق
هدفه مادي بحت ، ودام إنه لاقي من يدفع له فهو بلا شك بيستمر بهالسخافات.
الأهم من هذا كله
إنه يكون المشاهد واعي ، و ما ينجرف ورا هالاعلام الهابط..
صدقيني المشاهد اهو الوحيد القادر على صد هذي الموجات الإعلامية عن طريق استنكاره لهالنوعية من البرامج و عدم مشاهدتها ، و إذا قدر إنه يوصل صوته لأكبر فئة من الناس فهذا شي طيب =)
تحياتي لج
6:16 AM
kuw_son
... زين تسوي
اشدعوه عاد انا من الناس اللي تجابل التلفزيون
بس اذا قعدت وفتحته اشوف شي يحر ويقهر مثل هل برنامج
الله يسلمك هذا البرنامج عباره عن تلفزيون الواقع .. يخلون بنات وشباب فتره يمكن شهرين
ولازم يحبون بعض واللي اكثر شي يحب الثاني والجمهور يصوت له يفوز
في اخر حلقه في زواج وهدايا وايييد
ها يا بو دلال اشرايك ؟؟؟
9:40 AM
بنت الكويت
قلتها مسخره وانحطاط .. ما ادري ليش الناس عقوله صغيره وتصوت
القناه يمكن اربحت الالف من وري الناس ومسجتهم
charisma
قصه البرنامج قصه .. مالها معني ولا سالفه
برنامج سخيف يخلى البنات والشباب في نفس البيت
واخر شى لازم يحبون بعض علشان اثنين منهم يتزوجون ويفوزون بهدايا
ها عسى وضحت الفكره بس
9:44 AM
manaf :
تسلم انا سنعه .. لول اتفق معاك .. و كلمه ولكن انا شرحتها من قبل
اقصد اني سنعه ولكن عايشه حياتي وفصله و مونسه عمري في حدود السنع
هذا قصه سنعه ولكن
لووووووووول اهم شي تحمل زوجها
صدقني بعد جم سنه بتصير
اذا ما قدرنا انسوي شي
راح يسونها وجنه العيد
9:47 AM
الاستاذ بلاليط
لول انت مو من الامارات ؟؟ شلون تابي خط ام اتي سى
؟؟
بس هم حاضرين للطيبين
اعجبتني للمراهقين اللي عندهم تيلفون
والله يالت بس مقتصر على المراهقين
لا هذا البرنامج بالذات شى ثاني
جامع الكبار قبل الاصغار
9:50 AM
little big :
ya 7ilwch ethaa gailti alla ya3en :) astans 3ala hal kalmaa :P wa gemt ag0o0lha mithlch :)
ee walla 9ajh :)
9ij alla ya3in :s
9:55 AM
smile :
اشوه انج ما شفتي .. وانصح لا تشوفينه ..
المشكله لو نلقي شى يشغل هل ناس الفاضيه .. ونلهيهم جان احنه بالخير
loyalty :
المشاهد واعي؟؟ تهقين اكو مشاهد واعي ... ولا الاعلام ما خله احد في حاله
حتي يمكن الملتزم .. قام يشوف
:s
7aych alla fi blog :) imnwr :)
10:02 AM
صراحة الفاضي يعمل قاضي
ناس فاضية
مو عارفين شيسوون بروحهم
وللاسف كل برامج تلفزيون الواقع
ما تناسب عادات وتقاليد مجتمعاتنا
بس شنسوي في التقليد الاعمى للغرب؟؟
مشكلة عويصة
12:58 PM
برامج تافهة لاقية ناس اتفه تشوفها
انا ما ادري ليش البرامج المفيدة نادرة بالعالم العربي المتخلف ؟؟
اتمنى نشوف اشياء ترفع الراس و نستفيد منها بدل هالإنحطاط
3:22 PM
انا مااشوف الا قناة فنون
وفتافيت
3:37 PM
هالبرنامج اللي ماني قادرة أفهمه شنو يعني قسمة ونصيب واهما اللي يخططون على كيفهم ،، للأسف خلاص ما بقى شي ما قالوا وما بقى شي ما سووه ..
وشتقولين اذا هذا الإعلام وفي شي دايما اقووله ان التلفزيون في 60 الف محطة وكل شخص يشوف اللي يبيه على حسب تربيته واخلاقه وساعات على حسب فضوله ،، في ناس نشوف وتتأثر وفي ناس بس جذي
الله يستر علينا بس على الأقل هذيل أكثر مسيحيين ،، الدور علينا احنا المسلمين خنشوف اللي قاعد ينقال ببرنامج دكتورة فوزية والمستوى الواطي اللي وصلتله مسلسلاتنا مع الاسف انحطاط وقلة أدب وعرض ازياء
سوري على الإطالة ويعطيج العافية
12:29 AM
حتى بالنصيب تلفزيون الواقع موجود
الله يستر من الياي
شكلنا راح نشوف بلاوي من هالتلفزيون
8:03 AM
صراحه ماأحب جذي برامج فيها حش وضغط وسبهلله وعفواً عالكلمه ( مسخره ) بس جد هالبرامج تكون تجاريه بحته ..للأسف
صاروا إخوانه العرب يقلدون الأجانب ببرامجهم بالضبط للأسف ..
ماعندهم إبداع فكري ..
الله يستر عالجميع ..
إذا بتحلطم .. ماراح نخلص ;p
1:34 AM
أول مره أسمع فيه
آنا بعد ما أشوف تلفزيون, بس القسمة والنصيب عمره ما كان بالبرامج وع الهوا وسوالف جذيه
أعتقد إن المشاركين بالبرنامج يتصفون بقله ثقافة مع احترامي للجميع
11:38 AM
momloo7a q8ia
المشكله الابديه اهي التقليد الاعمي .. المشكله ولا برنامج من تفكير العرب
اي شى فيه قله الادب يقلدونه
يعني تطور
mtfa2el
ياليت الاعلام العربي يطور من نفسه .. ويواكب التطور الموجود ... للاسف البرنامج العربيه اللي فكرتها عربيه .. ما احد يدري عنها
واي شى فيه رقص وطرب وناسه
العالم العربي كله يشوفه
1:54 PM
barrak
تعجبني والله .. زين سويت
فتافيت طالعه طلعه هل الايام
2:02 PM
يمكن البرنامج سخيف وبمكن البرنامج مو زين بس الي اكييد انه غلط سياسه المنع يعني مو كل شي ما يعجبنا او يمكن يظرنا نمنعه تر الناس عندها مخ وتعرف تميز بين الزين والشين والزين بالنسبه لج غير الزين بالنسبهه للغير وهذا بسبب اختلاف الاذواق
:) انا شفته البرنامج سخيييف وكان فيه كويتي اسخف :) واتمنى اني اشوف هالكويتي صدفه بمكان لاني مزهبله جم حجوه :)
2:14 PM
weeeeeeeeeee3
akrah hal brnaamj
etha b`3et a3a9eb a7e6 3ali
ambi madry shlon el bnat enazlon mstawahom le hal daraja o e5alon el shabab ohom ele ye5taron.
shda3waa le hal daraja mayten 3al zawaj loool.
o la aham shay ena kel ma wa7da 6la3t o`3ma 3aleha wela sawat filim baji.
el brnamj jad jad jad araf
ya36ej el 3afya 3al topic :D
Slamz...
3:34 PM
الشكر لك العمل وحتى دائما
David Santos
11:30 AM
ma shiftah wallah
8:28 PM
كان ودي أشارك بالبرنامج
بس أمي ما رضت
:p
اللي يطالع الناس يتعب
ودمتم بحب وود
5:58 AM
Post a Comment
Home >>