 |
||||
|
Friday, October 20, 2006انت حساسهجم مره تسمعون هل كلمه انت حساسه هل مره ابى اعرض لكم مشكله وابى حل منكم * * * انا وحده منجزه واجتماعيه الى الاخر الحدود يعنى بدون غرور تعجبنى شخصيتى * * * بس مشكلتى انى اعتمد بكل تصرفاتى على مشاعري .. قبل كل تصرف افكر بمشاعري .. يعنى مو بعقلى كلا اقول حرام هذي مسكينه .. حرام اخاف تنحرج البنت .. حرام جنه فشله .. حرام اخاف تزعل الى ماله نهايه من عبارات اللى بس طالعه من قلب مع هذا وذاك احس ان المشاعر رحمه في زمن يمكن نادر محد يتكلم بالمشاعر  بمشاعري اقدر افهم الناس بمشاعري اقدر اساعد في حل مشاكل الناس بس دايما اللى اسويه اتوقع الغير يسوي لى .. وهنى المشكله لان مو الكل يقدر ان لازم اللى اسوي لهم ينرد احب اشكر وحده قاعده تعلمنى دورس وايد.. طبعا من غير ما تحس *** تعلمنى شلون افكر قبل ما اتصرف.. شلون اقلل من حساسيتى .. وانتوا شنو تهقون الحل؟؟؟ posted by san3a_wa_laken at 2:36 PM
|
|||
 |
||||
22 Comments:
اعجبتني كلمة
انا صراحة وبدون غرور تعجبني شخصيتي)
الصراحة انا يعجبني اللي واثق من نفسه وراضي بحاله ويمشي على نفس شخصيته مهما كانت هذه الشخصية
الا اذا كانت هذه الشخصية غير جيدة فانه في هذه الحالة يحاول يغير
لكن بالنسبة للحساسية فهذه صفة حلوة بس بحدود يعني زي ماتخافين هذه تزعل ولا هذه نحط بخاطرها هذا شي ممتاز
ولا تحاولين تغيرين منه ابدا الا اذا كانت الحساسية اللي عندك زيادة عن اللزوم
وشكرا
تحياتي : الاسمراني راكان
8:04 PM
الانسان اللى يتعامل بمشاعره مع الناس
خصوصا اذا كانت هذي
المشاعر طيبه ،، دائما يواجهه مشاكل
كثيره ،، وفعلا اصعب شي اذا كنت تنتظر
من الناس انهم يعاملوك نفس ماتعاملهم
لكن تتفاجأ بأشياء ما كنت تنتظرها
الناس اجناس ،، وبهذا الزمن صار
الصح خطا ،، والخطا صح
بالتوفيق
2:27 AM
This comment has been removed by a blog administrator.
8:59 AM
lool ta3jebni il theqa san3a ;p .. lol yallah khal agawem 7athech eshwaya ;p hehe 9ara7a testahlain o men 7agech ;) .. hehe bs 3ad la testansain wayed ;p tara ena etkounen 7asasa something good .. bs il muhem ena hal 7asaseya ma etkoun ezyada 3an il lezom 3ashan ma tet3ebeen ,, u know kil shay ezed 3an 7aada yengeleb theda .. bs tara it's nice ena et7esen bel awadem =)
9:02 AM
صراحة , أنا ماني شايفة مشكلة لكن لنفترض إنها كذلك :
يعني ما شاء الله إنتِ عارفة و محدده شنو الصفة الغير مطلوبة و اللي قاعدة تحاولين تتخلصين منها أو بالأصح قليلين منها و تخلينها بالكمية المناسبة و عارفة شنو السلبيات و الإيجابيات و عندج خبر إن الحل بيدج و فليش مترددة؟!
أول شي كونج إنسانة فهذا شي طبيعي تكونين حساسة أما إن توزنين الأمور بمشاعرج مو عقلج فهذي من صفات المرأه بشكل عام يعني لا عيب و لا حرام !
و مثل ما قلتي إنج واثقة من روحج و لله الحمد فماله داعي تخلين شي يهزج و تنكسرين له لانج وايد أقوى من جذي =)
*بالمناسبة أي كانت المشكلة كونج فاهمتها و على دراية فيها فهذا أول نقاط الحل بالتوفيج ^^
9:15 AM
الاسمرانى راكان
احب الشخص الواثق عندي احسن الف مره من الشخص الضعيف الشخصيه
ما ادري والله بس احس ساعات حساسيتى زياده عن اللزوم
1:50 PM
7osen :
من كلامك تعلمت انى ما انتظر احد يرد لى تصرف او حتى يبدلنى الشعور
خلها على الله
le2o
شنو المشكله اذا صرت واثقه :P
عجبنى اخر جزء كل شى يزيد عن حده ينقلب ضده
اي والله صاجه
6:09 AM
انا اقول اذا الزمن مايرحمج لا ترحمينه
(ياقوي) واذا بتسوين شي سويه عن قناعه لا تسوينه عشان تبين احد يردلج اياه
وسلامتكم
7:04 AM
عيدكم مبارك وعساكم من عواده
7:56 AM
عيدكم مبارك وعساكم من عواده
7:56 AM
عيدج مبارك اول شي
و الحساسية حلوة لأنج بتحسين بمشاعر غيرج
و إنت بالذات حلو تتعاملين بمشاعرج
لأن مشاعرج راقية و طيبة
بس حاولي تضبطين حساسيتج الزايدة لو كانت عندج
و بتصيرين حدج أووكي
:)
4:02 PM
اذا صج تبين حل نصيحتي
اقري كتاب (القبعات الست) للكاتب:ادوارد ديبونو
من جرير
دوريه بالعربي والانجليزي
وااااايد راح تستانسين عليه و ماراح تندمين
بالتوفيق
3:02 PM
عيدج مبارك..:)
6:25 PM
This comment has been removed by a blog administrator.
5:48 AM
San3ety ya 7alatch wentay 7asasah walla zo'3aaa :)
ana 7ady a7b sha59eytch 3ajeba mashalla :)
eL7aL agolch eyah bel phone ;p
5:49 AM
3assa allah ya36eeech 3ala gad neytich .. :)) That's all what i can say !!
God Bless u Sis :D
3:06 AM
كل عام و انتي بألف خير
:)
6:53 PM
kechie-chan
كلامج جيمل وايد.. احب اشوف تعليقج
صح كلمن يقول من صفات المراه الحساسيه اللى ساعات تصير زياده عن اللزوم
بالمناسبة أي كانت المشكلة كونج فاهمتها و على دراية فيها فهذا أول نقاط الحل
صح كلامج .. والله احس بعد ما كتبت الموضوع صرت احسن .. قمت اوزن المسائل فى عقلى اكثر من قبل
outlaw
صح .. خل انسوي الشى ونخليها على الله .. وينحسب لنا في ميزان اعمالنا
fuzzy
ايامك سعيده وعسى الله يتقبل منا ومنكم صالح الاعمال
2:54 AM
moklet -choka :
ايامج سعيده :)
مشكوره حبيبتى على الكلام الرائع ... واللى دايما متميز
q8-eye:
انشاءالله راح اقراه .. ليش لا .. وبعدها راح اعطيج راي :)
q8ya:
ايامج سعيده :) وعسى الله يتقبل منا ومنكم صالح الاعمال
2:58 AM
little big :
اول شى حياج مره ثانيه معنا :)
مشكوره على كل شى تسوينه لى ... ما ابي اقول علشان ما احد يحسدنى على هل صديقه :)
لمن اكلمج وتقولين لى الحل .. راح اقول لج ليش انا قاعده اشكرج :)
breeze:
امين يا رب العالمين :)
وحياج في مدونتى
طائر بلا وطن :
وانت بخير وصحه وسلامه :)
3:03 AM
san3ty e7na NO THaNK BeTween us ;)
bs San3ty aLways San3aaa :D
3asa alla La ya7rmnee mench :)
12:43 AM
is that urz?? if it is im impressed ...
2:47 PM
Post a Comment
Home >>