 |
||||
|
Monday, April 16, 2007السباحه والاخت سنعهقبل جم يوم... الاخت سنعه اشتركت في نادي حمام السباحه اشتركت يوم الثلاثاء .. ما صار يوم الخميس جان تناديني المدربه تقول: اشرايج تشتركين معنا في بطوله السباحه ؟؟ انا : من صجج ؟؟ جان تقول :اي والله ليش لا الجوائز حلوه ماراح تخسرين شى المهم رجعت البيت وقاعده افكر اروح او لا ؟؟ كل ما قلت حق احد اني راح اشترك في بطوله سباحه ضحك علي :s لا و ابوي يقول ان فزتى راح اعطيج خمسين دينار  انا ابي اثبت لهم انى اعرف .. وماكو شي صعب مع التدريب بعد اسبوع صار وقت البطوله ... والاخت سنعه حاطه في بالها الفوز ماكو مجال ثانى غير الفوز * * * يوم المنافسه كان الثلاثاء وانا محاضرتى تخلص على 3:15 والمنافسه على الاربع العصر كنت تعبانه حدى بس اللى يعرفنى يعرف اني مو بسرعه استسلم رحت والنفسيه حدها عاليه .. متفائله حدي صار السباق * * * النتيجه فزت انا فزت صج انى في المرتبه الثالثه بس حققت اللى ابيه الابتسامه على عرض ويهي مو مصدقه :) خلصنا السباق اللحين وقت تسليم الهدايا * * تدرون شنو عطونى مكنسه لوووووووووول مكنسه كهربائيه ...........لوول انا شكو بالمكنسه الهديه ضحكتني وايد رجعت البيت وانا على امل ب50 مالت ابوي * * هذي بعد راحت علي يقول انا قلت لج اذا فزتى بالمرتبه الاوله :s ياله ما عليه .. انا خضت تجربه .. تعلمت فيها وحققت جزء منها في نجاح وعلى امل المره الثانيه اكون المرتبه الاوله عندي بطوله تاريخ 8-5-2007 انشاءالله اقولكم شنو صار فيها
posted by san3a_wa_laken at 8:14 AM
|
|||
 |
||||
19 Comments:
حركااااااات ..
السالفة فيها بطولات كشخة كشخة ..
و ان شاء الله منها للأعلى .. هذا اولها بس ..
حبة حبة ..
و ان شاء الله البطولة القادمة تكونين الاولى .
و لا احد يحبطج ولا شي ..
انتي قدها ;)
2:28 PM
ماشاءالله
مبروك على المركز الثالث ترى مو شوية
وانشاءالله المره الياية الاول
وجائزتج خلاط كهربائي لوووول اتغشمر ترى
قوية اول مرة مارة واتغشمر
تقبلي مروري
3:04 PM
MaBrooK 3aLa eL.Fooz :D 7ady estanst lama geltayle ench feztay :D
a7La shay ench ma estaslamtay wa 7a6itay fe balch hadf ena u will win wa el7emdalla u win :)
enshalla next time I will be there ;D
10:41 PM
مبروك المكنسة الكهربائية تستاهلين أكثر ..
إن شاء الله المرة الياية تفوزين بالمرتبة الأولى و الجائزة إن شاء الله تكون طقم فناييل و استكانات للاستقبال
أو جولة
:P
12:04 AM
qiyadiya :
لوووول لا افا عليج اعجبج في الحركات
مشكوره حدج على الدعم والتشيجع
لا المره الثانيه راح تكون احسن
بنت الكويت
لووووووووول خلاط .. حرام عليج .. شكلي قبل ما اسبح را ح اسال شنو الهديه .. عن الفشله بس
:P
حياج الله في الزياره الاولى .. انشاءالله ما تكون الاخير
1:58 AM
little big
alla yabrak fich :)
7adaa waiting 7ag el marah elthanyaa 3alshan tikonen ma3y ..
9ij wajodch yashj3ni :)
3asaa alla la ya7rmini mench :)
2:01 AM
kuw_son
لوووووول تري المكنسه مسويه شغل .. خدمتنا مستانسه عليها
:P
لووووووول طقم فناييل واستكانات ؟؟ لوول
والله ان كانت جذي اخلها عندهم عن الفشله
مايسوي من ياخذها البيت
2:03 AM
مبرووووك الفوز ونتيجه حلوه بالنسبه حق اول مره.. انشالله المره اليايه تكونين بالمراكز الاولى
شوقيتيني اشترك بنادي حق السباحة .. يبيله :)
10:36 AM
WANASA !!
9edaG min samach monjiza !!
MabroOoook sis ;*
O MwaFEEGa ya raab !! ;>
1:47 PM
tekana
والله سجلى بالسباحه .. تعطيج طاقه عجبيه
والله حدي وناسه
kechie chan
alla yabark fich :) 7adch mashk0ra :) ma 3lich zood :) enty MOBID3AA
walla:)
2:38 AM
ههههههههه يا بعد عمرى
ما عليه المهم حققتى نجاح
المرتبه الثالثه مو هين ترى
ولا تنسين يايه من لويه وما كنتى مرتاحه
يعنى زين منج
لو تتمرنين اكثر وتكونين نايمه زين ومرتاحه اكييد المرتبه الاولى
:))
اهى صج المسنسه الكهربائيه اتكدر واضيق الخلق
هههههههه بس شتسوين العوض ولا القطيعه
:))
بعد عمرى مبرووك الفووز
منها لعلا
5:16 AM
charisma
حدج مشكوره .. والله حدج رفعتي روحي المعنويه
لا خاله ولا عدم انشاءالله
12:35 AM
مبروووك
مو شين الثالث على اول مره
و الفال للاول
1:02 PM
Thanks for you work and have a good weekend
اشكركم عمل جيدة ونهاية الاسبوع
2:38 PM
يالله ماعليه اليايات أكثر من الرايحات
والمرة الياية انشالله قولي للوالد
يخلي المكافأة 100 دينار
لأن كل مسابقة بخمسين ليما توصلين المركز الأول
وإن وصلتي للمركز الأول بالمرة الياية قوليله 150 لأنه حسبناها بالتدريج
هههههههههه
موفقة انشالله
11:09 PM
ياعيني عليج ماشاءالله تبارك الرحمن :)
مبرووووك وعقبال الأولى يارب ;")
عاد ديري بالج على نفسج ..
موفقه يارب وقوليلنا النتيجه ترى ننطرج @@
دمتي بخير :)
4:42 AM
ألــــف مبروك..ومنها لأعلى إنشالله..
مالج شغل بالعذال يله ربحتي مكنسة..العوض ولا القطيعة..أنا لما تخرجت بتفوق..عطوني "منبه" ليش ما أدري شسوي فيه عقب التخرج.."يمكن حق الدوام".
سالفتج ذكرتي بالأستاذة نورية الصبيح...لما كانت صغيرة تحب الدراسة..ودايم يقولونلها ماكو فايدة فيج..بتصيرين مديرة عقب هالدراسة ؟
والحيـــن صارت وزيـــرة و تشرفنا كلنا.
وعاشت السباحة و انشالله نسمع انج صرتي "يريورة في منتخب الكويت للسباحة".
2:46 PM
hi alf alf alf mabrok enshalla number 1 ;p
looool lam mn mosaba8a wala mn ur father ;p lich mni hadeya etha 6la3ty il ola enshalla .. ;p
1:41 AM
هل تعرفين لما أنت فرحة رغم عدم حاجتك للهدية وعد مناسبتها لك، السبب أنك أنجزتي شيئا والمكافئة هي عند الإتمام فنفسك كافأتك بالراحة النفسية أما المكنسة فإذا كنت في غير حاجة لها
جيبيها حق أوخيتش توني كاسرة المكنسة مالتي وهي الثالثة هالشهر
خو من كثر الوسواس أكنس في اليوم خمس وست مرات وأشتري المكانس مع الماشلة الكهربائية واليدوية
ومبروك البطولة الكبرى مقدما
12:16 PM
Post a Comment
Home >>